Alba

Contigo podo navegar

nun mar de ledicia

e, cal cativa rebuldeira,

brincar, soñar, amar.



Cóntame, neniña, o teu segredo,

nun murmurio melodioso e quedo,

chorima de mes de outono,

roxiña de pelo longo.



E, se as bágoas sucan a túa cara,

acocha no meu peito,

que con bicos e aloumiños,

tirarei un sorriso dos teus beizos.



Buscareiche contos e cantigas;

teceremos de maxia o tempo

con trasnos, meigas e fadas,

bonequiña que eu ben quero!



Patricia

Nadal 2010